Shri Narasimham Shri Lakshmisahitam

śrīnarasiṃhaṃ śrīlakṣmīsahitam

pallavī
śrīnarasiṃhaṃ śrīlakṣmīsahitaṃ
praṇamāmi pratyahaṃ paripālakam ||

caraṇam - 1
agastyamunivandyaṃ sahyādrivāsaṃ
paramabhāgyadapādamakhilādhāram |
sadāśrayavaradaṃ paramagatipradaṃ
sarvavyāpinaṃ nirupamavadanam ||

caraṇam - 2
abhayavaradahastamaudāryapūrṇaṃ
yativaryastūyamānaṃ śritapālakam |
duritanāśakarūpaṃ tribhuvanapālakaṃ
mameṣṭavaradamadhumativallabham ||

caraṇam - 3
asuratanayavandyamudārahṛdayaṃ
vikhuramardanadevamacintyaśaktim |
garuḍasevitaviṣṇuṃ bhujagapatipīṭhaṃ
divyasiṃhānanaṃ śaraṇyaṃ sarvātmakam ||

caraṇam - 4
āśritavatsalakaruṇāsāgaraṃ
vibudhavanditarūpaṃ sakalārtināśakam |
kāmitaphalapradaśrīpatimacyutaṃ
muktidāyakaṃ vande nāgarājanatam ||