Lyrics
aparṇādyaputraṃ gaṇārādhyadevaṃ girīśāgraputraṃ paraṃ dhyānagamyam | kumārāgrajaṃ jñānamūrtiṃ surūpaṃ mahādivyarūpaṃ gaṇeśaṃ bhaje'ham || 1 || atulyāgrapūjyaṃ gaṇajñaṃ gaṇāṅgaṃ gajādhīśadevaṃ gajāsyaṃ gajeśam | guṇādhāradevaṃ guṇāḍhyaṃ guṇeśaṃ mahādivyarūpaṃ gaṇeśaṃ bhaje'ham || 2 || ajeyādyavandyaṃ gaṇādhyakṣadevaṃ guṇādhīśadevaṃ guṇajñaṃ manojñam | prasannātmahṛṣṭaṃ pramodaṃ ca tuṣṭaṃ mahādivyarūpaṃ gaṇeśaṃ bhaje'ham || 3 || acintyaprakāśaṃ sureśaṃ pareśaṃ gaṇajyeṣṭharūpaṃ gariṣṭhaṃ variṣṭham | budhaṃ vakratuṇḍaṃ śaraṇyaṃ vareṇyaṃ mahādivyarūpaṃ gaṇeśaṃ bhaje'ham || 4 || acintyādirūpaṃ gaṇādiṃ surādiṃ gaṇaśreṣṭharūpaṃ dhruvaṃ gītatattvam | gaṇapreṣṭharūpaṃ kaviṃ gānagamyaṃ mahādivyarūpaṃ gaṇeśaṃ bhaje'ham || 5 ||
Recitation
Watch on YouTube