Bhavaye Bhaktya Ashtalakshmih

भावये भक्त्याष्टलक्ष्मीः

पल्लवी
स्मरामि सततं जगन्मातरं 
आदिलक्ष्मीं धान्यलक्ष्मीं धैर्यलक्ष्मीं गजलक्ष्मीं
संतानलक्ष्मीं विजयलक्ष्मीं विद्यालक्ष्मीं धनलक्ष्मीम् 	||

भावये भक्त्याष्टलक्ष्मीः 				||
चरणम् - 1
श्रीविष्णुहृत्पद्मवासिनीमादिलक्ष्मीं
नित्यपुष्टिकारिणीं धान्यलक्ष्मीम्			|
सर्वत्राभयप्रदायिनीं धैर्यलक्ष्मीं
सर्वसंपत्प्रदायिनीं गजलक्ष्मीम्			||
चरणम् - 2
सत्पुत्रपौत्रप्रदायिनीं संतानलक्ष्मीं
सर्वसिद्धिप्रदायिनीं विजयलक्ष्मीम्			|
अज्ञानान्धकारनाशिनीं विद्यालक्ष्मीं
कनकधारावर्षिणीं धनलक्ष्मीम्
(नागराजनताराध्यां मातृलक्ष्मीम्)			||